من أنا

السلام عليكم ورحمة الله وبركاته 

هذا البوست راح يكون غير عن باقي البوستس الي قبل لانه يتكلم كيف اخترت التخصص وعن سبب انشائي للبلوق .. 

بتكلم لكم عن تجربتي باختيار التخصص .. أول شي حطيته في بالي ان "الارزاق بيد الله"  ما فيه تخصص ماله مستقبل ابداً فيه معدل ماله مستقبل .. المهم من الثانوي وأنا حاطه الحاسب في بالي وانه هو التخصص الي اطمح له .. طبعاً ما كان كل هذا عشاني أحب الحاسب ومجالاته ومتاهته لا بالعكس كنت أقول أنه هو التخصص الوحيد الي ما يضيع وين ما تروحين يمشي حتى تقدرين تسوين عملك في بيتك وتكونين انتي الموظفة والمديرة على نفسك << فهمتوا علي .. بمعنى تسوين لك مشروع صغير.. وكتبت كل التخصصات الي بالجامعه في ورقة وبديت أصفي.. التخصصات الي ما أحبها بديت اشطبها مثل الاداب والفنون والتصاميم الرياضيات الفيزياء الكيمياء الفرنسي المحاسبة الشبكات وأنظمة الاتصالات وغيرها .. طبعا مو معناته اني أقلل من قيمة التخصص وان الطالبة الي داخله هالتخصصات غلطانه ولا فاشله لا بالعكسمثل التصاميم والفنون انا من  أشد المعجبين في موهبتهم وابداعتهموعارفة انهم أكثر ناس يتعبون بتخصصهم مو لوحة والوان فقط أو تخصصات كلية العلوم مثل الرياضيات احنا مجبورين ناخذ من كليتهم مواد رياضيات واشوفها جداً صعبة ولازم تتعبين عشان تجيبين درجات كويسه ف أصفق وبحرارة لطالبات الرياضيات على صبرهم وقدرتهم ما شاء الله  لكن انا ما القى قدراتي ونفسي  بهذي التخصصات.. وفيه تخصصات حالتي الصحية ما تسمح لي ادخلها مثل التخصصات الصحية لأني انا انسانه أدوخ اذا بدأ الواحد يتكلم بشكل مفصل وملل عن الدم ومكوناته والجروح بس عادي أشوف دم طبعاً هذي الحاله منتشره وسببها نقص في كريات الدم الحمراء.. كفاكم الله الشر .. بقى لي في الورقة نظم المعلومات وعلوم حاسب وادارة الاعمال و التمويل والاستثمار واللغة الانجليزية .. استخرت وفكرت كثير وقريت أكثر وبقى في الورقة " علوم حاسب " .. والحمد الله كان رغبتي الأولى وانقبلت فيه بفضل من الله.. 

قال رسول الله : ( إذا مات ابن آدم انقطع عمله إلا من ثلاث: صدقة جارية أو علم ينتفع به أو ولد صالح يدعو له)  

وهذا كان سبب انشائي للبلوق.. في فترة اختبارات الفاينل الكل يساعد الثاني بقد ما يقدر .. بقولكم معلومة أنا من دخلت هالكلية و أنا ملاحظة التعاون بين البنات بشكل جميل ويفرح أتمنى هالشيء يدوم ان شاء الله..وكانت تنتشر برودكاست في قروبات الشعب الي في الواتس اب اشياء جدا مهمة وقيمة ومفيده وبعد هاشتاق الكلية pnucs# فيه أشياء مهمه واختبارات سابقة ويجي منها في الفاينل كثير.. و أول ما نخلص الاختبارات يروح كل شيء جمعناه واستفدنا منه ف حبيت اجمعها  بمكان واحد بحيث تكون مرتبه ومفصله والكل يقدر يستفيد منها من غير عوائقمو مثل الايميل يكون لازم تعرفين الباسورد والايميل ويمكن وحده تحذف رساله من غير ما تدري ف فكرت في البلوق خصوصا انو احنا نتعامل معها بشكل كثير لان أغلب المواد الي ندرسها كل مادة و لها بلوق ف ماراح يكون فيه طالبة ما تعرف تستخدمها.. 

الحمد الله الذي بنعمته تتم الصالحات تم انشاء المدونة بنجاح ومثل ما كنت مخططة لها .. ان شاء الله تكون هذه البلوق شفيعة لي لا علي يوم القيامة .. 

هذا لينك الآسك تبع البلوق للاجابة على اسئلتكم الخاصة بالمدونة