مستوى رابع

السلام عليكم ورحمة الله وبركاته 

كيف حالكم ؟ ان شاء الله كلكم طيبين  ..

في هذا البوست ان شاء الله راح اتكلم عن  المواد الدراسية تبع مستوى رابع من ناحية 

لغة المادة + مدى صعوبتها + متطلباتها + نصائح تمنيت أحد عطاني اياه قبل اخذ المادة  ..

في مستوى رابع راح تدرسون 6 مواد بالنسبة للي ماراح تحذف أو تضيف مادة .. 

* الثقافة الاسلامية (2): 

المادة موحدة على جميع كليات الجامعة  يعني لو حابة تاخذينها من كليه ثانية غير كلية الحاسب عادي لان الفاينل موحد لكل الكليات 

لغة المادة / المادة درسناها بالعربي .. 

المادة متوسطة الصعوبة .. المذاكرة كانت من ملزمة تعتبر ملخص من الكتاب الاساسي الملزمة موجودة في مكتبة محابر العلم  .. محتوى المادة كان يتكلم بشكل عام عن المرأة في الاسلام سواء أم أو أخت أو زوجة وأحكام الخطبة والزواج  .. المواضيع كانت سهله ومفهومه لكن الصعوبة كانت في كمية المعلومات والكلام والادلة الموجوده في الملزمة ..  

متطلباتها / 

المشروع ( 10 درجات ) : طلبت منا مشروع قسمتنا مجموعات كان عبارة عن استبيان + مناقشة بعض الفتن المنتشرة في المجتمع + خريطة ذهنية لاحد فصول الكتاب  ..

1 ميد ( 25 درجة )  : كله اختياري وصح وخطا  .. 

واجبات ( 5 درجات ) : سهله وبسيطة جداً .. 

الفاينل( 60 درجة ) : اختياري وصح وخطأ ودللي وعددي .. 

نصيحة / 

شدي حيلك في أعمال السنة لان الفاينل مثل مانتوا شايفين عليه 60 و ما كان سهل والاسئلة كثيرة وكل شي توقعي يجيبونه  .. 

* اللغة الانجليزية : 

المادة موحدة على جميع كليات الجامعة ماعدا كلية اللغات والترجمة يعني لو حابة تاخذينها من كليه ثانية غير كلية الحاسب عادي لان الفاينل موحد لكل الكليات  .. 

لغة المادة / درسناها بالانقلش أكيد  .. 

المادة كانت سهله لكن أصعب من انجل 1 بس تقدرين عليها  .. المذاكرة من كتاب تحصلونة في كلية اللغات والترجمة ونزلت نسخة الكترونية منه تحصلونها في صفحة المراجعة لو حابين تطبعونه  .. صعوبة المادة تكون من التيتشر نفسها انا درستني وحدة مرره متساهله معنا وطيبه بس حريصة على الحضور والغياب .. لهم حساب في التويتر ينزلون كل شي جديد عن المادة ومواعيد الاختبارات  .. 

متطلباتها / 

اختبار Writing الكتابة (10 درجات): راح تعطيك جدول اعمال لاحد الاشخاص وايش يشتغل وتقول اكتبي عنه مثلا احنا جانا عن طالبة IT تقدم مساعدة للطالبات وجدولها اليومي متى تدرس متى تروح الجامعة متى تتغدا متى تكون فاضية وتقولك تكلمي عنها وعن جدولها حلو بس لازم تعرفين وظيفتها كويس عشان تعرفين ايش الخدمات الي راح تساعد الطالبات فيها  .. 

اختبار spelling الاملاء (10 درجات): تختار 20 كلمة من الكتاب وتقراها عليكم  .. 

اختبار Listening الاستماع (10 درجات): تعطيك قطعة وبعض كلماتها ناقصة وتقرا القطعة كاملة وانتي تكتبين الكلمات الناقصة .. 

اختبار Midterm الاختبار النصفي (25 درجات): راح تختبركم في بعض التشابترز والاسئلة كلها اختياري  .. 

المشروع ( 10 درجات ) : تقسمكم مجموعات 6 طالبات كل مجموعة تختار مدينة أو محافظة في الممكلة العربية السعودية مو مشهورة والناس ما تعرفها وتسون عليها بوربوينت وتعرضونه عليها .. 

فاينل Writing الكتابة ( 17.5 درجة) : راح تختبرون في الاسبوع 13 مو مع الفاينل الاختبار كان كتابة عن الCover letter .. 

الفاينل (17.5 درجة ) : الاسئلة كانت 50 سؤال اختياري أصعب من الميد  ..

* عمارة الحاسب : 

          لغة المادة /  جميع مواد كلية الحاسب ندرسها بالانقلش  .. 

هذي أكثر مادة من هذا المستوى أنا واغلب البنات عانينا منها  .. المادة للاسف كانت جدا صعبة.. ما ابغى اخوفكم بس عشان ما تنصدمون وتشدون حيلكم .. كثير بنات اشتكوا من المادة واحذفوها .. المادة لها جزئين جزء عملي وجزء نظري .. للاسف أغلب الدفعات كانوا يعانون منها يعني المادة لها تاريخ اسود.. تعرفون كل شي تجمع المنهج صعب وقديم وغير مفهوم + التيتشر غير متعاونه وغير متساهله ابدا + الاسئلة مستواها جدا صعب .. الجزء النظري السلايدز غير واااضحة وغير مفهومه كلها رسم وخرائط لازم تكتبين نوت مع التيتشر عشان تفهمين وانتي تذاكرين.. الجزء العملي كان حوسة ما كان فيه تيتشرز وتاخر المنهج بعدين البرنامج ما تحمل على الاجهزة الا متأخر .. المحاضرة ساعة اسبوعيا ما تكفي شرح مع تطبيق .. الجزء العملي كان مختلف تماما عن النظري .. ما كان ينزل التتوريال بشكل منتظم على البلوق والتيتشر غير متعاونة ابدًا وغير مؤهله ما تعرف تقسيم الدرجات ولا عندها اي وسيلة للتواصل ولا ترد على الايميل .. خلصنا العملي وانا مو فاهمه شي .. 

متطلباتها / 

الجزء النظري ( 30 درجة ) :

2 كويزز ( 5 درجات لكل كويز ) :كثيربالنسبة لكويز ! ارسمي + قارني + صح وخطأ + عددي ..

2 ميدز ( 10 درجات لكل ميد ) : جدا جدا صعععب توقعي كل شي ممكن يجي.. 

المشروع ( 10 درجات ) : فعلا تعبنا فيه طلبت نختار معالج نسوي ريبورت عنه بالتفصيل الممل وعرض بوربوينت + مناقشة ..  

العملي ( 20 درجة ) :

الايفالويشن ( 5 درجات ) : مثل ما قلت لكم الوقت ما يكفي بعد ما خلصنا المنهج خذتنا محاضرة نطبق كل شي وقيمتنا عليه .. 

الفاينل لاب ( 15 درجة ) : مو لازم تكتبين على البرنامج عادي تكتبين على الورق بس عبارة عن اكملي كود Half Adder + اكتبي كود Flip Flop + صححي كود Multiplexer

الفاينل ( 40 درجة ) :طووويل والاسئلة كثيرة جانا صح وخطا + اختياري + 5 مقارنات + سؤال له 5 فقرات يتكلم عن Hazerd  + سؤال Hamming Error +  سؤال نفسه موجود في الشيت Cache + سؤال ارسمي Fetch , decode واملئي جدول مره حوسه ما فهمته + سؤال تحويل من C code to Assembly Code + سؤال احسبي CPI , MIPS , Execution time  ..   

نصيحة / 

ما أدري وش أقول وش أخلي  .. خذت المادة وانا مو فاهمة شي وجداً عانينا منها نفسيا وجسديا  .. نسبة الرسوب للاسف جدا عالية في المادة .. الاغلبية شد حيله في الفاينل لاب والعملي لانه هو الي رفعنا .. التيتشر اسئلتها صعبه والمنهج دسم وغير مفهوم ف حاولوا تجمعون درجات في المشروع والعملي .. شدوا حيلكم بالمواد الثانيه عشان لو ماجبتوا قريد كويس في العماره على الاقل المواد الثانيه ترفع معدلكم  .. نزلت لكم نماذج من اسئلة الميد والكويز في صفحة المراجعة شيكوا عليها ..  

* تحليل وتصميم الخوارزميات : 

                   لغة المادة /  جميع مواد كلية الحاسب ندرسها بالانقلش  .. 

المادة متوسطة الصعوبة لكن تميل لسهولة أكثر .. المادة جداً ممتعة وجميلة راح تنبسطون عليها ان شاء الله.. أول التشابترز راح تحسونها صعبة وتنصدمون بس بعدين تسهل عليكم  .. المذاكرة كانت من سلايدز .. ولها جزئين عملي ونظري .. المادة تعتمد بشكل كبير على التيتشر ضروري تكون فاهمة ومتمكنة من المادة و تشرح كويس وتفهون عليها ولا بتضيعون..المادة تتكلم بشكل عام الالقوريثم و عن طريقة تخزين البيانات في الكمبيوتر وتنظيمها .. الجزء العملي ينزل لكم في البلوق تتوريال تحلونه مع التيتشر مافيه تطبيق على الاجهزة ..

متطلباتها / 

الجزء النظري ( 40 درجة )  : 

مشاركة ( 5 درجات ) .. 

2 ميدز ( 10 درجة لكل ميد ) : اسئلة سهله وواضحة  .. 

المشروع ( 15 درجة ) : نتقسم مجموعات كل مجموعة تاخذ طريقة تخزين معينة وتتكتب ريبورت عنها وفوائدها أضرارها وطريقة عملها وكتابة كود لها .. الخ. وفيه مناقشة للمشروع وعرض بوربوينت..  

الجزء العملي ( 20 درجة ) : 

كويزز ( 5 درجات ) : pop quiz اسبوع ورا اسبوع عبارة عن سؤالين للمحاضرة الي فاتت .. 

قروب وورك ( 10 درجات ) : تقسمكم مجموعات اول الترم وراح تعطيكم شيت تحلونه مع بعض كقروب كل فتره تنزل لكم شيت .. 

واجبات ( 5 درجات ) 

الفاينل ( 40 درجة ) : اختياري صعب غير مفهوم + صح وخطأ  صعب غير مفهوم  + huffman code بالطريقتين حليها fixed length varible length وارسمي لكل طريقة التري تبعتها + طريقة ضغط الملفات حليها بطريقتين LZW , RLC + جاب الاهرام هذيك اول المثلثات وكان مفرغ قيم فيها ويبينا نحسبها طبعا قانونها ما يحتاج تحفظينه كان مكتوب + اخر سؤال مقالي احتمال 4step dynamic programming أو مميزات BST او مميزات Heap sort  .. 

نصيحة / 

المادة حلوه اذا كانت التيتشر تعرف تشرح وفاهمة  ونصيحة حاولوا تجيبون قريد عالي فيها كثير بتساعدكم في رفع المعدل  .. الاسئلة الموضوعية في الفاينل صعبة مو مثل الميد سهله  .. ركزوا على التشابترز الاخيرة اذا جيتوا تذاكرون للفاينل ما جانا ولا سؤال في التشابترز الاولى   ..

* أساسيات قواعد البيانات : 

                       لغة المادة /  جميع مواد كلية الحاسب ندرسها بالانقلش  .. 

  المادة من قسم النظم سسهله صعوبتها فقط بكثرة التشابترز.. تتكلم المادة بشكل عام عن الجداول وتخزين البيانات فيها جدا ممتعة وخفيفة .. لها جزئين جزء عملي وجزء نظري .. الجزء العملي راح يكون في البداية حل تمارين بعدها بيكون تطبيق على برنامج الاوركل والنوت باد .. البرنامج الي راح تستخدمونه جداً جداً سهل ومفهوم وكلماته كلمات انجليزية صريحه وواضحة .. الجزء النظري مرره ممتع والسلايدز واضحة وفيه امثلة كثيرة يعني ماراح تضيعون لو غبتوا كل شي مكتوب في السلايدز .. فيه دكتور في اليويتوب يشرح المادة بشكل مفصل وواضح لو ما فهمتوا من التيتشر نزلت اللينك في صفحة المراجعة .. 

متطلباتها / 

الجزء النظري ( 30 درجة ) :

كويز ( 5 درجات ) : واضح جداُ 

الميد ( 25 درجة ) : وكان كثير معارضين على الدرجة ف اضطروا يقسمون الميد 15 درجة وكويز ثاني 10 درجات الاسئلة الموضوعية واضحة وسهله جاء رسم ERD + Mapping الكويز الثاني كان Normalization  ..  

الجزء العملي ( 30 درجة )  :

المشروع ( 10 درجات ) : مقسمينه على 4phases فماراح تضيعون كل phase تعرفون ايش تشتغلون عليه  .. 

الواجبات ( 5 درجات ) : كانت طويله وصعبة .. 

الايفالويشن ( 5 درجات ) : كل محاضرة راح تقييم شغلك على البرنامج ..  

فاينل لاب ( 10 درجات ) : ساعتين وواضح فيه انشاء جداول وكويري لا يروح وقتكم على الجداول لان الكويري كانت طويله وتحتاج شغل  ..

الفاينل ( 40 درجة ) : طووويل والوقت ما يكفي والاسئلة كثيرة صح وخطأ + اختياري + تعطيك جداول وكويري وتقولك اكتبي الرن + تريس تصحيح كود .. 

نصيحة / 

المادة تأثر 4 على المعدل ف شدوا حيلكم فيها لانها تساهل الواحد يتعب فيها يشوف نتيجة تعبه لان الاسئلة بتجيكم واضحه ومفهومه بعكس بعض المواد .. العملي ماراح ينزلون حل اللابات ف اكتبوا الحل في المحاضرة او صوروه  .. نزلت اسئلة فاينل للعام نقس طريقة الاسئلة الي جتنا بالضبط .. ركزوا على التشابترز الاخيرة اذا جيتوا تذاكرون للفاينل ما جانا ولا سؤال في التشابترز الاولى فقط اسئلة موضوعية .. 

  

 طولت عليكم بس حبيت اكسر الخوف والتوتر من المواد الي راح تاخذونها ان شاء الله ..واعطيكم خلفية كامله عنها  .. بالتوفيق  ..