مستوى ثالث

السلام عليكم ورحمة الله وبركاته

كيف حالكم ؟ ان شاء الله بخير  ..  

هذا البوست راح يكون شامل لجميع المعلومات والتفاصيل عن مواد مستوى ثالث من ناحية 

لغة المادة + مدى صعوبتها + متطلباتها + نصائح تمنيت أحد عطاني اياه قبل اخذ المادة  ..

في مستوى ثالث راح تدرسون 5 مواد بالنسبة للي ماراح تحذف أو تضيف مادة  .. 

* التدريبات اللغوية : 

المادة موحدة على جميع كليات الجامعة  يعني لو حابة تاخذينها من كليه ثانية غير كلية الحاسب عادي لان الفاينل موحد لكل الكليات 

لغة المادة / المادة درسناها بالعربي .. 

المادة تعتبر مكملة لعرب 1 لكن ما فيه اي علاقة بينهم  يعني تقدرين تاخذين عرب 2 وانتي لسى ما خذتي عرب 1  او تاخذينهم كلهم في نفس السمستر .. المادة اصعب من عرب 1 بكثير  .. مواضيعها كثيره اغلبها قد سبق واخذنها بالثانوي تتلكم عن الافعال واركان الجمله والاعراب .. تعتمد بشكل كبير على استاذة المادة اذا هي بتصعبها او بتسهلها على طالباتها  .. الي درستني كانت معطيه المادة أكبر من حجمها وطولتها وهي قصيرة  .. 

متطلباتها / 

2 ميدز ( 20 درجة لكل ميد )  : كله اختياري وصح وخطا  .. 

مشروع : بحث كان عليه 3 درجات ويعتبر بونس  .. 

واجبات ( 5 درجات ) : تمارين الملزمة .. 

حضور وغياب ومشاركة ( 5 درجات ) : كل محاضرة نحل تمارين الدرس وتقوم بالاسماء  .. 

الفاينل ( 50 درجة ) .. 

* احصاء عام : 

لغة المادة / المادة من كلية العلوم درسناها بالانقلش  ..

مادة فيها جزئين جزء عملي ونظري .. الجزء عملي والنظري عندنا محاضرة وحدة اسبوعيا لمدة ساعتين.. انتبهوا لاتسجلون هذي المادة في كلية العلوم هي صحيح لها نفس الاسم في كلية العلوم لكن يختلف الرمز وهم يدرسونها بالعربي لكن المواضيع نفسها .. كانت المذاكرة من سلايدات تقريبا 10 عروض بوربوينت .. اول ما اخذت المادة كنت احس اني بجيب فيها معدل وراح اضمن درجاتي فيها لاني اسمع كثير يمدحونها ويقولون سهله .. وفعلاً اول التشابترات كانت جداً سهله بعدين بدت تصعب .. عشان تمشين فيها احفظي القوانين وطبقي عليها .. بحكي لكم عن الجزء العملي اول .. للأسف التيتشر كانت غير متعاونة ولا تتفاهم  ولا تقدر الظروف  كانت ترسلنا اسئلة الواجب على الايميل وتطلب تسليمها لمكتبها واذا جت محاضرة العملي تنسى اوراق الحل تبع واجباتنا وتبدأ تحلها شفوياً   ولا تكلف على عمرها تكتب الحل على السبورة فقط تعطينا الجواب النهائي المشكلة الجواب النهائي موجود في اخر الكتابواذا طلبنا منها ترسل لنا خطوات الحل على الايميل ترفض .. هي مو عاجبها وقت المحاضرة وتحاول تخلصنا بدري وتاخذ الحضور وتطلع محاضرتها بدل ما تكون ساعتين خلتها نص ساعه .. جد عانينا منها كثير .. اول ميد لنا كان جداً سيء على ان طالبات الشعبة ممتازات وشرح تيتشر النظري ما شاء الله جداً واضح وتوصل المعلومة وتعيد اكثر من مره .. لكن اسئلة الميد تعتبر جداً صعبة مقارنة باسئلة السلايدات لان اغلب اسئلة الميد من الجزء العملي واحنا ما عندنا الحل .. ف اضطرينا ناخذ الحل من صاحباتنا في الشعب الثانية .. طبعاً البونس مرفوض من منسقة المادة  ..  

متطلباتها /

الجزء النظري ( 30 درجة ) 

ميد واحد ( 20 درجة )  : اغلبه حل ويحتاج وقت .. 

2 كويزز ( 5 درجات لكل كويز ) : اختياري وصح وخطأ وسؤال واحد حل .. 

الجزء العملي ( 20 درجة ) 

مشروع ( 10 درجات ) : قسمتنا قروبات كل قروب 16 بنت طلبت حل اسئلة منوعه عن المواضيع الي اخذنها في المادة  .. 

                   حضور وغياب ومشاركة ( 5 درجات )  ..  

             واجبات ( 5 درجات )..   

الفاينل ( 50 درجة )  : كان اسهل من الميد وتقريبا اغلب الاسئلة تحصلونها من تجميع موجود في صفحة المراجعة .. 

نصيحة /
 أنا من عادتي ما طبع السلايدات واجيب معي الايباد أتابع منه   بس هذي المادة احتجت اني اطبعها لانو فيها اسئلة مو محلوله و تحتاجين تحلينها مع التيتشر وقت المحاضرة  .. المادة جداً سهله حاولوا تجيبون درجة كويسة فيها ترفع معدلكم .. 

* المعادلات التفاضلية : 

لغة المادة / المادة من كلية العلوم درسناها بالانقلش  ..

مكملة لتفاضل وتكامل 1 و 2 وتعتبر السلسلة الاخيره من التفاضلات .. اسهل من ماث 1 و 2  .. المادة جزئين جزء عملي وجزء نظري .. المذاكرة من كتاب .. الجزء النظري عانيت كثير من التيتشر الي درستني هي نفسها منسقة المادة  وماخذة الماستر والدكتوراه وجدا شاطره وذكيه ماشاء الله لكنها ما تعرف توصل المعلومة ومزعجه صوتها عالي وبس تصارخ صراحة كنت اصدع في محاضرتها  وشديده من ناحية الدرجات وغير متعاونة حتى كثير حذفوا المادة بسبب اسلوبها  .. وكانت دائما تحذرنا من اختباراتها انها صعبه فالاخير طلعت نفس الامثله الي في الكتاب حتى ما غيرت الارقام ف اي شيء ما فهمناه نحفظه .. ما استفدت منها ولا شي لا شرح و لا درجات .. الحمد الله ربي عوضني بتيتشر العملي كنت ما افهم الا منها .. لا تخافون من المادة وتقارنونها بماث 1 و 2  بالعكس اسهل منهم بكثير وتقدرون تجيبون فيها درجة كويسه ان شاء الله .. 

متطلباتها /

الجزء النظري ( 40 درجة ) 

2ميدز ( 18 درجة ميد 1 + 17 درجة ميد 2 )  : اختياري وصح وخطا ومسائل على كل مسائلة 4 درجات .. 

واجبات ( 5 درجات )  .. 

الجزء العملي ( 10 درجات ) 

كويز ( 5 درجات ) ..

حضور وغياب ( 2 درجتين ) ..  

مشاركة ( 3 درجات ) : قسمتنا مجموعات نحل اسئلة الواجب على السبورة    ونشرحها ..

       الفاينل ( 50 درجة ) : الاسئلة كانت نفس الامثلة الي في الكتاب حتى ما غيروا الارقام ..

المادة ما فيها مشروع 

نصيحة / 

1. حاولوا بقدر الامكان تشدون حيلكم في اعمال السنة وتجيبون مجموع عالي لان الفاينل كان صعب  ويحتاج وقت وتفكير والوقت كان ضيق وفيه تصحيح الي بعد وذاكروا له كويس ولا تهملون شي  .. وانا اذاكر للفاينل كان فيه مسائل كنت اقول لا مستحيل يجي ولا ذاكرتها وفي الاخير جت وهي اكثر شي عليها درجات 

2. اذا صادفتكم تيتشر مثل تيتشرتي ما تعرف تشرح همشي دورها وابحثي في النت او اليوتيوب عن اي مصدر يشرح الدروس الي ما فهمتيها .. 

* فيزياء كهرومغناطيسية : 

لغة المادة / المادة من كلية العلوم درسناها بالانقلش  ..

مكملة لفيز 1 .. المذاكرة كانت من سلايدات ما فيه كتاب .. محتوى المادة قليل مقارنة بـ فيز 1  اغلبه يتكلم عن الكهرباء والمجال المغناطيسي والاقطاب اغلب المواضيع درسناها بالثانوي .. المادة لها جزئين جزء عملي وجزء نظري .. الجزء العملي كان جداً خفيف وممتع وواضح كل التجارب مجرد توصيل اسلاك  .. له ملزمة خاصة فيه مواضيعه تختلف عن الجزء النظري .. كل محاضرة لازم تطبقون على التجربة وتكتبون ملاحظاتكم و تاخذون درجة المشاركة  .. المحتوى كله تقريبا 4 محاضرات .. يعني راح تخلصون الجزء العملي وتختبرون الفاينل تبعه وانتم لسى في نص السمستر.. الجزء النظري كنت اشوف صعوبته بكثرة القوانين واحيانا تكون متشابهه فتلخبط.. التمارين غير محلوله فـ انتبهوا لازم تطبعون السلايدات عشان تحلونها مع التيتشر .. نزلت في صفحة المراجعه بعض الحلول شيكوا عليها  ونزلت قناة استاذ في اليوتيوب يشرح نفس منهجنا ويحل نفس تمارين السلايدات مرره استفدت منه كثير اذا صادفت شي ما فهمته  .. 

متطلباتها / 

الجزء النظري ( 30 درجة ) 

ميد 1 ( 15 درجة ) 

ميد 2 ( 15 درجة ) 

بونس ( 5 درجات ) 

الجزء العملي ( 30 درجة ) 

المشاركة ( 5 درجات ) 

الميد ( 10 درجات ) 

الفاينل لاب ( 15 درجة ) 

الفاينل ( 40 درجة ) : رسمة للمكثف + مسائلتين + فراغات + صح وخطأ + اختياري +  هذي الرسمه احسبي equivalent resistance

نصيحة /  

حاولوا بقدر الامكان تجيبون مجموع كويس في الجزء العملي عشانه سهل وخفيف لان الفاينل النظري ما كان سهل يعني الجزء الموضوعي الي هو الاختياري والصح والخطأ كان صعب جايبين رسومات واشياء غريبه مو واضحة ف ما حلينا فيه كويس الي رفع درجتنا المسائل كانت حلوه ونفس الارقام 

* هياكل البيانات: 

لغة المادة / جميع مواد كلية الحاسب ندرسها بالانقلش  .. 

تعتمد بشكل كبير على برمجة 1 .. فيها جزئين جزء عملي وجزء نظري .. هذي اكثر مادة البنات حذروني منها وكثير ما يمدحونها وانها صعبه ولازم تاخذينها عند تيتشر كويسة ومن هالكلام  حتى اضطروا اغلبهم ياخذونها صيفي من صعوبتها .. واثر كلامهم فيني  وسجلت المادة عند تيتشر مرره زينه وشرحها حلو ومتعاونة بالدرجات وطيبة .. ومثل ما تعرفون غلط نعتمد على اسماء التيتشرات الموجودة في البنر لانها احتمال كبير تتغير .. و فعلاً تغيرت التيتشر الي سجلت عندها لانها مسكت التدريب .. بعدها كرهت المادة اكثر وخفت ما اجيب كويس فيها .. اول كلاس قالت لي التيتشر ترى هذا الترم المنهج والسلايدات تغيرت عن السنوات الي فاتت صارت سهله وواضحة لكم اكثر .. والحمد الله تغيرت نظرتي للمادة من نظرة سلبية الى ايجابيه .. اقدر احدد صعبوتها انها اصعب من برمجة 1 واسهل من برمجة 2 ..   

في الجزء العملي نشتغل على برنامج النت بينز  وفيه تطبيق على بعض الدروس الي اخذنها في الجزء النظري .. بدال لا يكون فيه تقييم كل اسبوع صار كويز اسبوع تشرح الدرس وتحل اسئلة عليه و اسبوع كويز في المحاضرة كاملة على الدرس الي فات .. انا اشوف ان اكويز افضل من التقيم  اول شي يكون معنا خبر في اي جزئية راح  نختبر وتكون مشروحة لنا بالنظري والعملي ..  

متطلباتها /

  الجزء النظري ( 30 درجة ) 

2 ميدز ( 10 ميد 1 + 15 ميد2 ) 

كويز ( 5 درجات ) 

الجزء العملي ( 30 درجة ) 

مشاركة ( 3 درجات )

الحضور ( 2 درجتين ) 

واجبات ( 5 درجات ) 

مجموع الكويزز ( 5 درجات )

الفاينل لاب ( 15 درجة ) : اسهل فاينل لاب اختبرته صراحة  حتى اغلب البنات حلوا كويس كان سؤالين واحد نحله على الجهاز فكرته جدا واضحه وحاطين صورة من الاوت بوت والسؤال الثاني نحله على الورقة والوقت مرره يكفي كان ساعتين لا تشيلون همه  .. 

الفاينل ( 40 درجة ) : تقسيم الدرجات كان جداً عادل واغلبه عن جزئية التري الجزء الموضوعي صعب او يمكن  لاني انا من النوع الي ما يحفظ ف ما حليت فيه كويس  بس باقي الاسئلة واضحة واغلبها من اسئلة الميدز ..

المادة ما فيها مشروع 

نصيحة / 

المادة مو مثل الصعوبة الي انتم متخيلينها .. ركزوا على اخر التشابترات لان اكثر اسئلة الفاينل منها .. اول كلاس  في محاضرة العملي كان لينكد ليست راح تضيعيون و يمكن ما تفهمون بعد  بس صدقوني بعدها بيسهل عليكم ان شاء الله   لان اصعب جزء هو اللينكد ليست .. بالنسبة للجزء النظري يعتمد على ممارسة امثلة وتطبيق عليها اطلبوا من التيتشر تحدد لكم محاضرة تكون حل امثلة للاشياء الي ما فهمتوها  .. شيكوا على صفحة المراجعة نزلت فيها اشياء مهمه تخص المادة .. 

* تنظيم الحاسبات : 

لغة المادة / جميع مواد كلية الحاسب ندرسها بالانقلش .. 

هي لغة برمجة ابتدائية اسمها اسمبلي .. شيء جديد لها برنامج خاص نطبق عليه غير النت بينز .. المادة لها جزئين جزء عملي وجزء نظري .. المذاكرة كانت من سلايدات .. بالنسبة لي اشوف صعوبة المادة في كثرة التشابترات تقريبا كانت 13 تشابتر و4 منها كلها حفففظظ  .. لغة الاسمبلي ممتعه وسهله لكن مو واضحة او غير مفهومة للبشر ..الجزء النظري كانت  الي تدرستني غير مؤهله للمادة وغير متمكنة منها   لاني لاحظت من طريقة شرحها انها ما تعرف تطبق عمليا على البرنامج ما تعرف هل اذا كتبنا كذا بيطلع ايرور او لا  كانت تعتمد على النظري والكلام المكتوب في السلايدات ما عندها خلفية كامله عن المادة ابداً  .. بحثت بالنت عن مصدر افهم منه لاني ما افهم على التيتشر .. حصلت كتابين عربي ويشرح ويطبق على نفس الامثلة الي موجوده بالسلايدات .. .. شرحه حلو وواضح ومفهوم .. نجي للجزء العلمي .. الي درستني كانت متعاونة وتوها جديده مالها ترم في الجامعه .. لكن ما شاء الله عليها الحق ينقال ما افهم الا منها واي شي ما فهمته في المادة ما اسأل الا هي طيبه ومتعاونه وتعيد الشرح اكثر من مره وتكب درجات .. العملي كان صعب ويحتاج تدريب دائم ..  

متطلباتها /

                                      الجزء النظري ( 30 درجة ) 

2 ميدز ( 10 ميد 1 + 15 ميد2 ) 

كويز ( 5 درجات ) 

الجزء العملي ( 30 درجة ) 

مشاركة ( 3 درجات )

الحضور ( 2 درجتين ) 

تقييم ( 5 درجات ) 

واجبات ( 5 درجات ) : كانت كثيره وبعضها صعب بس لا تهملونها حتى لو حلك خطا او ما طلع لك رن صحيح اهم شي تاخذين كم درجة ترفع مجموعك .. 

فاينل لاب ( 15 درجة ) : سؤال فيه 3 فقرات / 1 ( اكتبي اسم واحفظية بـ ... ) + 2 ( كم عدد حروف الاسم ) + 3 ( اطبعي الاسم بالمقلوب ) ، نموذج باستخدام STACK ونموذج الثاني باستخدام الـ ARRAY .. 

فاينل ( 40 درجة) : الجزء الموضوعي اغلبه من الـ 4 تشابترات الاخيرة ويعتبر اسهل من الميدات سؤال الكود عليه 10 درجات نموذج A سؤالهم يكتبون برنامج باستخدام الامر AND , نموذج B سؤالهم يكتبون برنامج باستخدام الامر OR .. 

المادة ما فيها مشروع 

نصيحة / 

لا تهملون التشابترات الاخيره صحيح انها كثيرة لكن اغلب الاختياري والصح والخطا في الفاينل كان منها  .. المادة ممتعه واسهل من جافا لا تشيلون همها ولا تاخذون فكرة سلبية عنها .. شيكوا على صفحة المراجعة نزلت اشياء مهمه تخص المادة ..

 طولت عليكم بس حبيت اكسر الخوف والتوتر من المواد الي راح تاخذونها ان شاء الله ..واعطيكم خلفية كامله عنها  .. بالتوفيق  ..  

Read More